.اساں تاں دھاگے
'گنڑجے 'منڑجے
توں ھک ریشم شال .
اپڑیں تند ھتھیں نی آندی ریشم آپ سنبھال ..
شیت اونکوں ول یاد آ گئ اے خوشبو دی خیرات .
ناں تاں کہیں دو
کون _بھجیندے
خط اچ سر دا وال .. ویڑھ گئ چودھار بدن کوں اندھی کالی شام . تلویں تہ وچ سانبھیے لاتھن اج وی لال رومال .. ستویں سانونڑ ستویں امب تیں خالی ستویں پینگھ . ست پینگھاں ست سانونڑ وی ہن ، ست سانونڑ ست سال .. 'لرکدیاں آندین مست ہوائیں ، من دیاں مینڈھیاں کھول . 'گم 'سم پل دے گھنگھرو پا کے رج کے کھیڈ دھمال .. اساں کہیں کوں کیا ڈس سگدوں ساڈے کتنے 'روپ . اساں تاں شاہد اپنڑیں در تیں اج وی آپ سوال .
No comments:
Post a Comment