کافر کون ؟ کاں کافر::::::::::

کافر کون ؟

کاں کافر::::::::::

لوکی پچھدن،

کاں کوں کافر کیوں آھدن؟
ہک معصوم پرندہ جیہڑا
مہمانیں دیاں خبراں ڈیندے
کہیں وسوں دیاں شانداں ڈیندے
کافر کیوں ھے؟

میں اے آھداں۔
کافر کہیں مذہب دا ناں نئیں
نہ اے رنگ یا ذات دا ناں ھے
نہ کہیں دی اوقات دا ناں ھے
کافر ہک کردار کوں آہدن
کیتے ہوئے نروار کوں آہدن

میں اے آہدان
بھانویں اڈدا پکھی ھووے
کہیں وستی دا گودا ھووے
کہیں درگاہ دا وارث ھووے
بھانویں ملک دا حاکم ھووے

جیکر کہیں مجبور دے ہتھو
کہیں مجبور دے بالیں دے ہتھو
رزق کھسیندے
کافر ہوندے....
                    اصغر گرمانی